電影"甘"句 ﹣港產篇 I

由細到大，港產片都帶給我最大o既娛樂，不過就一定要係粵語版的，因為配o左國語o既港產片就如行屍走肉般冇o左靈魂～ 而一向反叛的我就堅決唔做星洲死靈，所以我對絕大多數o既粵語港產片都無任歡迎。不介意是否低俗或粗製濫造，只要有一句我覺得應o既對白或爆笑位便已足夠。

老實講咁多年來睇過幾多部港產片我絕對記唔到，但就有啲對白仲歷歷在目。趁還記得寫低佢地先～ 有啲幾有啟發性，有啲嘛...得啖笑囉～


重慶森林 - 差佬663：個日下晝我係屋企大掃除。我好似係度清理跑道，準備第二架飛機降落。

花樣年華 - 周慕雲：係我...，如果有多一張船飛，妳會唔會同我一齊走？

2046 - 周慕雲：只要你自己唔放棄，你永遠都仲有機會。

無間道 II - 倪永孝：出o黎行，預o左要還。

無間道 II - 黃志誠督察：殺人放火金腰帶，修橋補路無屍骸。

英雄本色 - Mark哥：信，我咪係神！神都係人o黎，能夠把握自己條命，佢咪係神。

英雄本色 - 臺灣老大：江湖道義現在已經不存在了。身邊的人沒有一個可以相信。

大丈夫 - 郭天佑：唔賭唔知時運到，唔滾唔知身體好。

豬扒大聯盟 - 焚化倫：我o地啲中層人員係咁o架啦。小事又唔洗我o地理，大事又唔輪到我o地理，閒事就千祈唔好理，緊要事就留番俾專家理。

流氓醫生 - 劉民醫生：新乜鬼野年啊，咪又係捱世界？

六樓後座 - Candy：大檸樂添～

同居密友 - 霍少棠：冇~見口淡淡，想搵你出o黎執番劑o者。

江湖告急 - 關雲長：太多人要我幫，我唔可能個個都保佑，惟有耐唔耐求祈搵個人幫o下。做人做神亦都一樣，你耐唔耐做o下o野，啲人就會覺得你很靈。

江湖告急 - 蘇花：忠義啊，講出來就難聽啦，真係out到唔out啊。拜還拜，雖然日日拜o者，信係兩回事o黎o既，關二哥。