霍元甲 Fearless (NC16)

Rating:	★★
Category:	Movies
Genre:	Action & Adventure

霍元甲自小醉心武術，但其父不想孩子成為一介武夫，遂不讓他習武。元甲與玩伴農敬蓀偷偷抄錄霍家拳譜天天苦練，終以霍家拳打敗小惡霸，自此信心大增。憑著對武術的悟性及熱情，武藝根基日益深厚，後來成為天津赫赫有名的武師......一位武者傳奇的一生...盡毀於于仁泰手上!

有睇過"精武門"的龍迷(雖然陳真係虛構),多少也對霍元甲有丁朵o既認識.知道佢係被慢性毒藥毒死, -- 唔係急性劇毒!

亦知道霍家有項武功叫"謎踪拳"! -- 戲裡的大多係極華麗既動作場面,十八般武藝出齊唯獨謎踪拳...主要係取悅鬼佬!

讀過霍元甲事蹟的人就會知道佢有個兄長同細佬,有兩個仔-霍東章和霍東閣. -- 導演一手絕了霍元甲後!

其實依部電影可以名為張三或李四都無所謂.因為除左霍元甲細時體弱多病同埋中毒逝世外(仲要係草草了事...)其余o既都係垃圾! 乜霍元甲好勇鬥狠, 慘遭滅門, 浪漫盲妹!? 我頂~!!! 加上最衰係成套戲拍得好鬆散兼無feel~!

于仁泰既名好熟,但係硬係記唔起佢拍過乜戲...細搵下原來...霍元甲 (2005), 夜半歌聲 (1995), 白髮魔女傳 (1993), 白髮魔女傳 II (1993), 伙頭福星 (1992), 千王１９９１ (1991), 轟天龍虎會 (1989), 四眼仔 (1988), 龍在江湖 (1987), 靈氣逼人 (1984), 追鬼七雄 (1982), 巡城馬 (1981)...對我o黎講得部十五年前o既巡城馬頗為值得睇...

袁和平應該放o下假, 到處行o下, 吸收o下新既點子...

導演: 于仁泰(Ronny YU)

動作導演: 袁和平 (YUEN Woo Ping)

主演: 李連杰(Jet LI), 中村獅童(NAKAMURA Shidou), 董勇(DONG Yong), 鄒兆龍(Collin CHOU), 孫儷(Betty SUN), 尼芬鍾斯(Nathan JONES), 原田真人(Masato HARADA)

音樂與場景各值一粒星...